На глобално ниво, конкурентноста на македонските слободни зони значително е подобрена како директен резултат на овогодинешната промоција на новиот Закон за финансиска подршка на инвестициите, како и спроведените подобрувања на Законот за технолошки индустриски развојни зони преку кои Република Македонија го нуди најатрактивниот пакет поволности во регионот и пошироко за сите заинтересирани странски и домашни инвеститори.

Врз основа на извршените анализи за извоз на компаниите кои оперираат во Технолошко-индустриските развојни зони (ТИРЗ) и порастот од 20% за првите 9 месеци од 2018 година во споредба со истиот период лани, како и врз основа на 16  новоотпочнати инвестициски проекти, Дирекцијата за ТИРЗ констатира дека првите 9 месеци од 2018 година претставува најуспешниот период на институцијата од нејзиното основање.

„Дирекцијата за ТИРЗ е во финална фаза на преговори со поголем број на мултинационални компании со кои очекуваме и потпишување на договори за реализација на нивните инвестициски проекти во наредниот период со што билансот на успех дополнително би се зголемил“, објавија од таму.