Демонстрантите кои попладнево протестираат против одлуката на претседателот Ѓорѓе Иванов за аболиција, во моментот се пред Владата. Меѓу граѓаните има и политичари од опозицијата, кои даваат поддршка и се против одлуката на Иванов. Демонстрантите скандираат „Нема правда, нема мир“, а пред Владата веќе се поставува кордон полицајци. Дел од луѓето кои протестираат почнаа да фрлаат и јајца пред Владата. Бурни реакции поттикна одлуката на Иванов, а попладнево толпата граѓани протестираше пред неговата канцеларија каде маваа со јајца и се обидоа да стигнат безуспешно до седиштето на ВМРО-ДПМНЕ.