Демонстрантите од „Шарената револуција“ се обидуваат да го пробијат кордонот полиција пред Министерството за финансии.

Министерството е блокирано од сите страни. Во фокусот на протестот е еврообрзницата со која Владата планира ќе ја задолжи Македонија за 650 милиони евра. Главниот транспарент вечерва е „1.1 милијарда причини за крај“.

„Нема правда кога јавниот долг вртоглаво расте. Секој граѓанин на Македонија веќе должи по 2.200 евра, а режимот сака да го задолжи за уште 330 евра, во очајнички обид да продолжи да владее криминално. Нема да дозволиме! Не прифаќаме државата и граѓаните да тонат во долгови! Не ги признаваме долговите на расипниците!-  соопштија од „Шарената револуција“.

Се бара оставка од власта на ВМРО-ДПМНЕ и ДУИ и преодна влада која нема да ја задолжува земјата.