Демонстрантите од „Шарена Револуција“ вечерва положија цвеќе пред споменикот на Никола Карев.

Тие со ова ја одбележаа 111 годишнината од смртта на Никола Карев, револуционер и претседател на Крушевската Република.

Пред демонстрантите пред Собранието на Република Македонија говореше претседателот на СДММ, Стефан Богоев.

„Да може да го почувствува Груевски ова што јас меѓу вас тука го чувствувам, ве уверувам дека веднаш ќе си ги собере парталите и ќе си замине. Оваа Шарена револуција ќе ја паметиме и ќе биде нешто со што ќе се гордееме и ќе го прераскажувам на нашите деца, ќе кажеме: Да, и јас бев еден од тие што се бореа против режимот. Доста беше молк!“ - рече тој.

Традиционално како и претходните денови, на 14-от ден од „Шарената револуција“, протестот започна пред Специјалното јавно обвинителство во 18 часот.