Демонстрантите од „Шарена револуција“ попладнево ја бојат улицата пред Собранието.

Го повикуваат градоначалникот на град Скопје, Коце Трајановски да дојде да го исчисти, како што правеше пред некој ден на плоштадот.

Граѓаните одбројуваат до 18 јуни,  рокот кој демонстрантите го дадоа на властите за исполнување на нивните  барања, а тоа е  произнесување на Уставниот суд за уставноста на СЈО, и запирање на прогонот врз демонстрантите.

Денеска е укинат куќниот притвор за Здравко Савески и Владимир Куновски кои се товарат за демолирање на канцеларијата на претседателот, Ѓорѓе Иванов.

Протестот вечерва е во чест на Дарко Марковиќ кој го создаде стрип јунакот Пецко.