Демонстрантите вечерва го искршија Министерството за правда.

Искршени се стаклата на Министерството, а воедно оставија и пораки на фасадата на објектот. Полицијата ги разби демонстрантите и ги поттисна кон Партизанска.

Демонстрантите влегоа и во канцеларијата на претседателот Ѓорѓе Иванов во центарот на Скопје, при што ја демолираат целосно. Го оштетуваат мебелот, го изнесуваат надвор, заедно со останатиот инвентар и сите документи. Демонстрантите  го палат инвентарот пред канцеларијата.

Иако почна мирно, протестот понатаму излезе од контрола, а нервозата на граѓаните кулминираше. Вчерашните протести поминаа без поголеми нереди. За граѓаните е неприфатливо да се аболицираат функционери и бараат оставка од Иванов.