За само неколку дена во мај годинава на Балканскиот Полуостров падна дожд што количински одговара на тримесечен просек, што предизвика катастрофални поплави и активираше повеќе од 3.000 локации на лизгање на земјиштето, објави НАСА. Надојдената вода однесе најмалку 100.000 објекти, загинаа најмалку 40 луѓе, а речиси еден милион се евакуирани. Сателитот на НАСА „Аква“ ги фотографираше поплавите во Хрватска, Србија и Босна и Херцеговина на 19 мај годинава. Втората фотографија го прикажува истиот регион пред една година - разликата е драматична! Поплавите ги предизвика циклонот „Тамара“, потсетува НАСА, и додава дека се работи за најголеми поплави во овој регион во последните 120 години.