Квалитетот на грчката кујна е познат со векови наназад. Секојдневно ја усовршуваат храната но и виното кое им било омилено на грчките богови и филозофи. Доколку пробате барем нешто од овие традиционални јадења, верувајте засекогаш ќе ги паметите. Грците обожаваат да конзумираат свеж зеленчук, маслинки, сирење и маслиново масло кое поради благата клима таму го има во изобилие. Немојте да пропуштите да пробате таква салата бидејќи не само што не е многу калорична туку и ќе го освежи вашиот организам во топлото.   Тие најмногу јадат јагнешко месо и остатоци. Но, немојте да се изненадите ако почувствувате единствен вкус кој поради тоа што своите кози и овци ги хранат со трева која има доста ароматични цветови. Својот оброк сакаат да го започнат со ракија која пред конзумирање ја зачинуваат со анасон, а после тоа следи незаобиколно предјадење. Секако, не си тргнувајте дома, додека не го пробате виното. Нивната кујна е позната и по мусаката, чиј вкус нема да го заборавите лесно. Грчка пита или Гирос е нешто што најчесто ќе го конзумирате во текот на одморот. И верувајте, нема да се покаете! Ако ве понудат со месо од скара со czacziki, домат и кромид, знајте дека сте понудени со Суфлаки и немојте да го пропуштите. Тука е и Пастисио- макарони со мелено месо и бешамел сос. Не пропуштајте ниту Calamari - пржени лигњи на скара и се служат со разни сосови. Десертите се многу слатки, прелиени со мед и зачини. Такви се баклавата и локумадес. Грците сакаат да да јадат во кругот на семејството, па искористете го летувањето и барем еднаш седнете сите во исто време да јадете, само да го почуствувате тој посебен дух кој луѓето таму го имаат.