Деновиве се формираше нова неформална граѓанска платформа “Специјално за Специјално Јавно Обвинителство”, соопштија пред малку од Кабинетот на Специјалната обвинителка Катица Јанева. Оттаму велат дека „Специјално за СЈО е доброволна и неформална граѓанска платформа организирана за поддршка на работата и функционирањето на Специјалното Јавно Обвинителство како специјална институција која ќе помогне за да се врати и подобри владеењето на правото во Република Македонија“. Специјално за СЈО е автономно тело составено од граѓани на Р.Македонија кои како носител на суверенитетот на државата се првите повикани да воспостават владеење на право во државата. Специјално за СЈО ќе организира настани и реакции со една цел,зголемување на поддршката за ова институција, како и лобирање и директно помагање на работата и функционирање на институцијата и ќе се бори против сите препреки и опструкции за непречено функционирање на СЈО.