Магазинот Forbes ја објави листата со најбогатите светски милијардери за 2016 година. 

Меѓу нив се и најбогатите луѓе од регионот и Македонија. 

Во Македонија, Forbes вели дека на врвот е Јордан Камчев, сопственик на Орка Холдинг, со 238 милиони долари вредно богатство. Втор е Минчо Јорданов, сопственик на Макстил со 234 милиони долари.

Најбогатиот македонски нерезидент е Мајк Илиќ, основач на фаст-фуд франшизата Little Caesars, сопственик на Detroit Red Wingsa, NHL тим и Detroit Tigers тимот од MLB, со богатство од 6,1 милијарди долари.

Најбогатиот човек во Србија е Филип Цептер, чие богатство вреди пет милијарди долари. Тој е основач на компанијата Zepter International, а иако не живее во Србија, има државјанство.

Меѓу најбогатите во Србија е и Миодраг Костиќ, сопственик на MK Grоup со богатство од 540 милиони долари, и Мирослав Мишковиќ кој располага со 520 милиони долари.

Во Хрватска најбогато е хрватско-чилеанското семејство Луксиќ. Тие поседуваат богатство од 15 милијарди долари.

Зад нив е австро-хрватскиот милијардер Дитрих Матешиќ, сопственик на Red Bull, со богатство од 13,4 милијарди долари.

Потоа е Ивица Тодориќ, сопственик на Agrokor, со 499 милиони долари и Емил Тедески, сопственик на Atlantic Group, со нето богатство од 208 милиони долари.

Најбогати во Босна и Херцеговина се Кенан и Дамир Хастор, кои го наследија Prevet i ASA Group од таткото Нијаз и располагаат со 412 милиони долари. Зад нив е Изудин Ахметиќ, сопственик на HIFA Group, со имот од 364 милиони долари.

Во Словенија најбогати се Иза и Само Логин. Тие стекнаа богатство од апликацијата Talking Tom Cat.  Тие располагаат со 700 милиони долари, а зад нив е Јол Печечник, сопственик на Ineterblock, со богатство од 266 милиони долари.