Германската индустрија сè уште чувствува сериозен пад на вработеноста, и покрај првите знаци на економско закрепнување. Според анализа на консултантската фирма EJ, на крајот од првиот квартал од 2026 година, индустриските компании вработувале околу 127.300 помалку лица во споредба со истиот период лани. Во однос на периодот пред пандемијата, ситуацијата е уште полоша – од 2019 година германската индустрија изгубила повеќе од 341.500 работни места, или повеќе од шест проценти од вкупниот број вработени.

Автомобилската индустрија претрпе најголем удар
Најтешко погодена е автомобилската индустрија, каде едно од седум работни места е укинато од 2019 година. Само во последната година бројот на вработени се намалил за околу 32.000, а од почетокот на пандемијата изгубени се вкупно 125.800 работни места. Падот влијае и на други сектори: текстилната индустрија губи околу 22 проценти од своите работни места, металната индустрија е намалена за околу 15 проценти, додека единствен раст се забележува во хемиската, фармацевтската и електроиндустријата.

Големите компании планираат реструктуирања
Меѓу најголемите германски компании кои најавуваат отпуштања се Фолксваген, Бош, Континентал, ЗФ Фридрихсхафен, Тисенкруп Стил, Дојче Бан, САП и Мерцедес-Бенц.

• Фолксваген планира да укине до 35.000 работни места до 2030 година.
• Дојче Бан очекува отпуштање на околу 30.000 вработени.
• Бош во Германија размислува за намалување на 22.000 работни места.
• Тисенкруп Стил може да укине околу 11.000 работни места поради кризата во челичната индустрија.

Аналитичарите предупредуваат дека последиците од долгорочниот пад на приходите сериозно се чувствуваат во речиси сите делови на германската индустрија и дека ефектите од реструктуирањата ќе бидат долгорочни.