Компаниите во земјава се кредитоспособни, односно редовни плаќачи на земените кредити, покажуваат последните оцени на КОФАС (Француската компанија за осигурување на кредититите за извоз) . Според нив, Северна Македонија кредитниот рејтинг го подобрила од Ц на оценка Б, а бизнис климата во земјава се оценува со А4. Податоците ги објави денеска Валентина Цветковска од Стопанската комора на Македонија.

„Во изготвувањето на рејтингот на секоја компанија влегува и ризикот на земјата кој во оценката учествува со 25 отсто. За да се види колкав е рејтингот на компанииите за кредитирање во една држава се земаат и неколку други важни фактори меѓу кои се националниот приход по глава на жител, растот на БДП, стапката на инфлација, фискалната рамнотежа, јавниот долг и економскиот развој, рече Цветковска.

На минатото оценување државата била оценета со оценка Ц за кредитниот рејтинг, и со оценка Ц за бизнис климата што се полоши оценки.

Како позитивни предности на нашата држава се наведени интеграцијата во германскиот ланец на производство, конкурентноста на платите и стабилноста на денарот.

Подобрената оценка од КОФАС За македонските компании  значи отварање на нови пазари во странство  а пред се признавање од страна на странските деловни партнери. 

Најдобар кредитен рејтинг на домашните фирми од регионов според Кофас има Словенија, а помала оценка има Албанија.

Кофас од 2013 година има издадено над 800 сертификати, а оценува над 80 милиони компании во светот.

Во Македонија одличните или „екселент“ компании кои можат да го користат таканаречениот „екселент есеми“ се оценуваат со оценки од 6 до 10.