Финансискиот план за локалните избори под лупа на ДИК
Државната изборна комисија попладнево ќе одржи седница на која ќе биде разгледан и усвоен Предлог - финансискиот план за спроведување на локалните избори што ќе се одржат на 24 март.
На седницата, како што се наведува во соопштението од ДИК, ќе се разгледаат и усвојат и Предлог - планот за јавни набавки за 2013 година, Предлог - одлуката за утврдување трошоци за спроведување изборни активности во реално направени трошоци, Предлог - одлуката за благајнички максимум и Предлог овластување за генералниот секретар на Комисијата.
На минатата седница ДИК го донесе роковникот за извршување на изборните дејствија за спроведување на локалните избори.
Слично
Поврзани вести
