Eврокомесарот за проширување Штефан Филе го поздрави успешното завршување на работата на Комисијата и носењето на извештај кое е направено со консензус на сите членови од комисијата. Во писменото соопштение вели дека заклучокот донесен од Kомисијата укажува дека конструктивни решенија се можни кога има политичка волја и компромис. „Со нетрпение очекувам да се спроведат и наредните чекори и имплементацијата на препораките содржани во извештајот, како и на остатокот од политичкиот договор од 1 март“, соопшти Филе. Според него постигнатиот договор на Комитетот помага во решавањето на внатрешно политичките проблеми, но исто така, покажува дека интеграцијата во ЕУ продолжува да биде приоритет за сите политички партии во земјата. Овој најнов развој на настаните ќе се одрази и во претстојниот Извештај за напредокот на Поранешната Југословенска Република Македонија ". се вели во писмената изјава на комесарот Штефан Филе.

Ад-хок комисијата денеска го потпиша конечниот извештај за настаните во Собранието на Македонија на 24-ти декември минатата година. Во Клубот на пратениците свои потписи на извештајот ставија претседателот на комисијата Борче Давитковски и нејзините членови од ВМРО – ДПМНЕ Илија Димовски и Благородна Дулиќ и од СДСМ Љубомир Фрчкоски и Рената Десковска Треневска.

Премиерот Никола Груевски синоќа откако СДСМ ги отфрли двете понудени опции за извештајот и за предвремени парламентарни избори, соопшти дека ВМРО – ДПМНЕ донесе одлука во интерес на државата и по цена на сопствена штета да гласа и да потпише извештај на ад хок Комисијата каков што сака СДСМ.

„ Нека ги напишат нивните правни квалификации на кои застанавме, и ако тоа ги исполнува, не со надгласување, туку ние ќе им ги изгласаме заедно со нив. Ако ним не им е важен интересот на Македонија, нам ни е важен. Се разбира за нас и за најголемиот дел од граѓаните во Македонија тие правни квалификации нема да се ниту валидни, ниту се согласуваме со нив“, нагласи Груевски.

Но потпишувањето на извештајот повторно беше мета на препукувања меѓу патриите. Според ВМРО-ДПМНЕ правните квалификации во извештајот се парче салфетка за водење оро, споreд СДСМ тоа е извештај на вистината.