Меѓународната рејтинг агенција „Фич“ го зголеми кредитниот рејтинг на Турција за еден степен до инвестицискиот степен ВВВ- со стабилна прогноза, образложувајќи го со зајакнување на економијата и намалување на краткорочните ризици. Меѓу подобрувањата, „Фич“ ги вбројува умерениот и намален државен долг, здравиот банкарски систем, задоволувачките среднорочни перспективи за економскиот раст и заздравената економија. Одлуката на „Фич“ доаѓа со оптимизмот на турските финансиски пазари, каде лирата ја зголеми својата вредност во однос на доларот, а каматите на државните обврзници се намалија на 6,86, наспроти 6,98 отсто.