„Фајненшл тајмс“ пишува дека Босна и Херцеговина (БиХ) треба да се ослободи од лидерот на босанските Срби, Милорад Додик пред да влезе во Европската Унија(ЕУ).

Го нарекуваат српски сепаратистички лидер. Наведена е изјавата на високиот претставник за БиХ, Кристијан Шмит, дека не може да замисли Додик и неговата придружба да одлучуваат за европските прашања.

„Не мислам само на неговото блиско политичко пријателство со Владимир Путин, туку и на неговото непредвидливо однесување“, рече Шмит.

Босна е една од двете земји што допрва треба да ги решат основните прашања за државноста. Втората е Косово, пишува ФТ.

БиХ помина најлошо во југословенските војни во 90-тите и оттогаш земјата е управувана со меѓународен мировен договор. Сè уште е оптоварена со криминал, корупција, сиромаштија и емиграција, пишува весникот.

„Претседателот на Република Српска Милорад Додик се грижи за својата татковина и народ и ги штити националните интереси и покрај надворешните притисоци“, се вели во писмото на претседателот на Белорусија.

Додик често се заканува дека Република Српска ќе се отцепи од БиХ.