Најпопуларните трактори на поранешна Југославија отидоа во историјата. Индустријата за мотори и трактори од Белград (ИМТ), го сопре целото производство, а деновиве ќе биде донесена одлуката за стечај. Пред 10-тина дена и последните 370 работници ја напуштиле фабриката со ветување за отпремнини. Производството на ИМТ е сопрено по 60 години. Рекордни биле оние, кон крајот на 80-тите, кога во фабриката околу 12,5 илјади вработени произведувале и до 45.000 трактори. Последните неколку години оваа бројка се намалила на само неколку стотини, додека некои други бројки несопирлив растеле, пишува српски Б92.