Фабрика за производство на брикети вечерва изгоре во голем пожар во Кавадараци.

Повредени нема, пренесе МИА. Командирот на Територијалната противпожарна единица Илчо Богевски, вели дека е предизвикана голема материјална штета која дополнително ќе се утврдува, како и причината за појава на пожарот.

„На помош ни дојдоа и со по едно возило и со по двајца пожарникари, колегите од кавадаречките компании „Фени индустри” и „Кожувчанка”, како и колегите од територијалната противпожарна единица од Неготино. Два часа го гасневме пожарот, сега сме при крај со неговата локализација“-рече  Богевски.

Тој вели  дека веднаш интервенирале во гаснење на пожарот со две противпожарни возила и петмина пожарникари.