Еврото поскапе на девизните пазари од пред 2,5-годишниот максимум. 

Претседателот на Европската централна банка (ЕЦБ) се воздржа од коментари за валутата. Пазарите се грижат за влијанието на ураганот Харви врз американската економија, објави „Ројтерс“.

Единствената валута достигна ниво од 1,1924 долари за едно евро, пред да достигне до 1,1966 долари, највисоко ниво од јануари 2015-та година.

Единствената валута веќе се зголеми за околу 1% во петокот откако претседателот на ЕЦБ, Марио Драги зборуваше на конференцијата Џексон Хоу за теми како што се светската трговија. 

„Не мислам, дека при очекувањата на пазарот, не сметав дека Драги ќе зборува за еврото“ - коментира Масафуми Јамамото, главен монетарен стратег во „Mizuho Securities“. 

Според него, дури и ако Драги го допре прашањето за единствената валута, сепак ќе дојде до поскапување.

„Силното евро не може да биде извор на поплаки за регион како еврозоната, кој е благословен со голем суфицит на тековната сметка, стабилна економија и не е загрозена од дефлација. Ова е можност за шпекулантите да купуваат евро без многу грижи“- додава тој.

Швајцарскиот франк се држи близу едномесечниот максимум, достигнат порано во седницата, достигнувајќи 0,95939 франци за еден долар.

Фунтата падна на минимум 1,2884 долари, откако накратко го допре 13-дневниот максимум од 1,2946 долари за фунта.