Додека големите европски градови се соочуваат со зголемување на цените на недвижностите и растечки проблеми со домувањето, едно мало село во Шпанија нуди сосема поинаков модел на живот.

Во местото Арениљас, кое има само околу четириесет жители, локалните власти почнаа програма во која се обидуваат да привлечат нови семејства и да ја спречат депопулацијата.

Бесплатна куќа и работа за нови жители

На почетокот на 2026 година, селото Арениљас, во шпанската покраина Сорија, претстави програма која им нуди на идните жители комплетен пакет за нов почеток.

Вклучува:

-целосно реновирана куќа без плаќање кирија

-постојана работа за еден член од домаќинството во одржувањето на општинските објекти;

-можност за преземање на управувањето со локалниот бар, кој претставува центар на општествениот живот на селото

Арениљас се наоѓа на околу два часа возење од морето, опкружен со природа и мирна средина, а целта на програмата не е само да привлече нови жители, туку и да го зачува животот во селото.

Постои еден важен услов

Иако понудата звучи многу привлечно, локалните власти имаат јасен услов - семејствата што се избрани мора трајно да се преселат и да станат дел од заедницата.

Идејата е новите семејства да придонесат за опстанокот на селото преку поголем број деца во училиштата, поголема потрошувачка во локалните продавници и зачувување на јавните услуги кои, без доволно жители, би можеле да бидат прекинати. 

Интерес од целиот свет

Фактот дека за само неколку дена пристигнале повеќе од 100 апликации од различни земји од светот потврдува дека ваквите иницијативи привлекуваат големо внимание.

Експертите проценуваат дека ваквите програми стануваат сè почести во европските региони погодени од депопулација и емиграција, пренесува bizportal.rs.

foto Wikipedia/Diego Delso