Амстердам, Барселона, Лисабон, Минхен, Париз и Виена формираа алијанса против интернет-платформата за изнајмување станови „Airbnb“, која има регистрирано еден милион корисници само во минатата година во Австрија.

Тоа беше и причината за состанокот на Eurocities во Минхен на 17 октомври. Иницијативата на европски градови сака сите дигитални платформи да преземат правна одговорност, да ги извршуваат своите законски должности и да споделуваат податоци каде што е потребно.

Сегашните правила на Европската унија беа создадени во 2000 или осум години пред „Airbnb“ и неговиот деловен модел. Градскиот советник во Виена, Питер Флоријаншиц е еден од експертите кој подготвува ставови за економијата на споделување што ќе биде претставена пред Европската комисија во Брисел како за интернет платформите би се подготвиле нови правила. Ова ќе биде првиот чекор во креирањето на политичка и правна рамка за регулирање на дигиталната економија.

Виена ги прекина преговорите со платформата „Airbnb“ на крајот на минатата година, поради исплата на туристички даноци што не се во согласност со австрискиот закон. Имено, даноците на престој треба да бидат вклучени во градскиот буџет и сите сопственици на сместување се должни да имаат посебна сметка за нивната исплата. „Airbnb“ одби автоматски да обезбеди информации за наплата на данок на престој, но прекинот во преговорите не влијаеше врз оние закупци што се придржуваат кон законот. Во меѓувреме, „Airbnb“ вредно работи на својата експанзија бидејќи се подготвува да излезе на берзата следната година.

Бидејќи по пат на платформи како што е погореспомнатата, станодавците можат побрзо да работат, се погласно се слушаат поплаките дека во центрите на градовите има се помалку станви кои долгорочно може да се изнајмат.

Некои официјални претставници на Алијансата тврдат дека градовите го губат својот „дух“ на овој начин, бидејќи, на пример, во Париз, четвртина од становите во центарот на градот се исклучиво за изнајмување преку мрежни платформи. Повеќе градови се обидоа да ги ограничат земјопоседниците да изнајмуваат сместување годишно. Во Минхен, оваа граница е осум недели и во Франција се дозволени 120 дена. Организацијата за туризам со седиште во Виена, предложи ограничување од 90 дена, но предлогот сè уште не стапи во сила.