Европската Унија и САД постигнаа нов трговски договор: Американската страна добива повластени царини, но само доколку ги исполни своите обврски
Институциите на Европската Унија (ЕУ) постигнаа трговски договор со САД, со кој на американската страна ѝ се даваат царински повластувања, но услов за тоа е и САД да ги исполнат своите обврски.Договорот, кој го постигнаа претседателката на Европската комисија, Урсула фон дер Лајен, и американскиот претседател Доналд Трамп во август минатата година, предвидува намалување на царинските стапки од заканетите 30% на 15% за поголемиот дел од увозот од ЕУ. Во замена, ЕУ се согласи да ги укине царините за речиси целата американска индустриска стока и да го олесни пласирањето на американските земјоделски производи и морски плодови на европскиот пазар.
Договорот вклучува заштитни механизми: ако САД ја зголемат царинската стапка или ја прекршат договорената обврска, ЕУ може да суспендира делови од договорот. Рокот на важност е до 31 декември 2029 година, по што автоматски ќе истечат сите царински олеснувања и ЕУ ќе направи анализа на влијанието врз својата економија.
Европската комисија ќе врши редовен надзор и ќе поднесува квартални извештаи за трговските односи со САД, а шест месеци пред истекот на договорот ќе објави детална анализа и проценка на влијанието.
Овој договор е дел од обидот за стабилизирање на трговските односи и обезбедување рамнотежа во трговијата меѓу двете економски суперсили.
Слично
Поврзани вести
