Супермаркетите во Франција имаат забрана да ја фрлаат непродадената храна.Продавницните сега со закон се обврзани, она што ќе им остане непродадено да го донираат во добротворни огранизации и банки за храна.

Овој закон беше изгласан едногласно од страна на францускиот сенат во средата.

Тој ќе важи за сите супермаркети со димензии од 400 метри квадратни и поголеми површини.

Ако компаниите не го почитуваат овој закон, ним им се заканува парична казна од 3 750 евра.

“Што е најважно, со тоа што супермаркети ќе бидат обврзани да потпишат договор за донација со добротворни организации  ќе се зголеми квалитетот и разновидноста на храната што ја добиваме и дистрибураме. “- вели Џејкос Баилет од мрежата на Банки за храна.

Тој вели дека ова е многу важна мерка, со која банките за храна ќе обезбедат квалитетни производи за илјадниците луѓе кои живеат од нивната храна.