Според пролетната економска прогноза на Европската комисија, во 2016 година економијата на Бугарија ќе порасне за 2%, а  во 2017 година стапката на раст на бруто домашниот производ ќе  биде 2,4%.

Новите очекувања бележат значително подобрување во однос на прогнозата од февруари. Тогаш се очекуваше економски раст од 1,5% за 2016 година и 2% за 2017 година.  Во буџетот на Бугарија за оваа година е констатиран раст на БДП од 2,1%, и 3% во текот на изминатата 2015 година.

Вкупниот државен дефицит постепено ќе се намалува, инфлацијата ќе се движи од минус 1,1% во 2015 година до минус 0,7%  оваа година и плус 0,9% во 2017 година. Невработеноста во Бугарија ќе се намали од 9,2% во 2015 година на 8% оваа година.