Еврообврзницата е издадена со повисока камата?
Македонија ќе се обиде да се задолжи со најмалку 300 милиони евра преку седумгодишна еврообврзница со каматна стапка од 5,875%, објави Ројтерс.
Овој пат каматата е повисока од таа за претходната еврообврзница која беше откажана и чија камата требаше да биде 5%. Според информациите на Ројтерс сумата од 300 милиони не е конечна и задолжувањето може да досигне и 500 милиони евра.Еврообврзницата повторно е издадена откако беше одложена минатиот четврток по писмо од Кире Наумов, поранешниот дополнителен заменик министер за финансии од СДСМ.
Посредници за еврообврзницата се истите банки – Ситигруп, Дојче банк, Ерсте група и Сосиете Женерал.
Лидерот на СДСМ, Зоран Заев денеска повторно испрати писмо до банките и светските медиуми во кое потсетува за незаконската постапка за издавање на еврообврзницата.
„Никола Груевски и неговите послушници и соработници попладнево го извршија најголемото финансиско злосторство во историјата на Република Македонија и за тоа ќе одговараат!“ - реагираат од СДСМ.
Од партијата велат дека вкупната сума што ќе треба да ја отплаќаат идните генерации изнесува 776.2 милиони евра.
Од ВМРО-ДПМНЕ тврдат дека еврообврзницата е нормален финансиски механизам што се применува во сите европски земји.
Слично
Поврзани вести
