Секоја работа е стресна, а сега долгогодишното кинеско истражување откри која работа е најстресна. Студијата беше спроведена во текот на 17 години со вкупно 136.000 учесници.

Некој би рекол дека брокер, возач, пилот, новинар се на врвот на листата. И овие занимања секако се наоѓаат на многу слични листи, но овој пат не се на врвот на најстресните занимања.

  Најстресната работа на светот е работата на келнер, барем така тврди студијата на јужниот медицински универзитет во Кина, има неколку аргументи.

Келнерите се постојано под психички и физички притисок во текот на работното време. Факторот на стрес е исклучително висок, но уште поважно е во исто време да имаат ниски примања, да немаат награда за добро завршената работа, да не добиваат многу ценење и да не се чувствуваат ценети. И токму оваа комбинација ги донесе на врвот на неславната листа.

Научниците откриле и дека стресот предизвикува многу почесто користење на цигари и алкохол кај келнерите.