Што може да донесе посредништвото на ЕУ тројката Вајгл, Кукан, Ховит. Речиси сите експерти се едногласни, не многу. Понеделник дефинитивно не е клучен ден за Македонија. Сепак сите го поздравуваат вклучувањето на брисел во ненадминливите разлики. „Секако дека како и сите добронамерни граѓани и јас посакувам ова  ЕУ олеснување да успее. Но не сум сигурен дека прво оваа тројка има таков јак мандат, а потоа ни дека има таква сила да ги убеди двете страни за да ја надминат политичката криза. Без прејудицирање, не сум  песимист, но повеќе  сум реален оптимист“, оценува во интервју за Фактор амбасадорот Блерим Река. [button color="orange" size="big" link="http://faktor.mk/2015/03/28/intervju-blerim-reka-zoshto-albanets-premier-da-ne-ja-vodi-napred-makedonija/" ]ИНТЕРВЈУ БЛЕРИМ РЕКА[/button] Тој вели дека не е сигурен дека ЕУ во понеделник ќе биде медијатор. „Повеќе  го гледам тоа како еден обид  за олеснување, а не директно посредување. Бар не од главната политичката инсtитуција на ЕУ- Советот; туку посредно од 3 евро-пратеници. Тоа  и не е непозната пракса на олеснување од  страна на Брисел, а последен  пат видено во Албанија, кога евро-пратениците успеаа да исздејствуваат договор помеѓу власта и опозицијата.“ вели Река. Според најавите, претставник на СДСМ ќе биде Радмила Шеќеринска, а на ВМРО-ДПМНЕ министерот за надворешни работи Никола Попоски.