Европската Унија ги продолжи санкциите кон Русија за шест месеци, беше соопштено денеска од Европскиот совет.

Санкциите кои се воведени поради кршење на суверенитетот и територијалниот интегритет на Украина беа воведени пред една година и требало да истечат до крајот на овој месец, но со одлука на советот се продолжени до септември.

Санкциите опфаќаат 150 руски функционери како и политички и воени лидери во самопрогласената република Доњецк и Луганск во источниот дел на Украина на кои им е воведена забрана за патување и располагање на имотот во ЕУ.

Освен тоа, на црната листа на ЕУ се најдоа и 37 компании на кои им е забранет пристап до европските пазари и пари. Одлуката за продолжување на санкциите е донесена во согласност на сите 28 членови на ЕУ.