Грција долго време беше најслаба алка во еврозоната, но нејзиниот проблем сега е настрана, затоа што друга земја се фаќа за сламка за спас.

Сега голема загриженост има околу земја која е на периферија - Португалија.

Државните обврзници на оваа земја се оценети како непожелни за вложување.

Само малку познатата и мала агенција DBRS им дава повисоки оценки.

Ако и тој рејтинг го изгубат, ќе го изгубат најголемиот купувач на португалските долгови, вели Михајел Боје, аналитичар од Саксо банк и додава дека за брзо време тоа би можело да биде проблем затоа што агенцијата веќе ги критикувала државните финансии на Португалија.

Според Боје, целата ситуација е чудна и како да оваа агенција ужива во своите пет минути слава.

Тој оценува дека целата оваа ситуација во земјата може да доведе до уште една „битка“ со Брисел.