Брисел во втората половина од годинава ќе им понуди можност на хрватските рибари да го напуштат риболовот со значителен паричен надомест за бродот и за риболовната дозвола. Со овој потег Европската унија настојува да ги намали националните риболовни флоти и да го зачува загрозениот рибен фонд. За дел од риболовците тоа е почеток на крајот на една традиција, но други заради се потешките и понеисплатливи услови за работа се заинтересирани за тоа како ќе се спроведува програмата. Првите конкурси за откуп на бродовите за риболов се очекува да бидат објавени кон крајот на годината, а до тогаш и јасно ќе се утврдат критериумите кој ќе може да аплицира. Сепак, драстично намалување на риболовната флота не може да се очекува, бидејќи средствата се ограничени. Но, и неколку бродови помалку можат да значат многу во Јадранското Море во кое рибниот фонд со години е загрозен заради претеран риболов.