ЕУ и САД побара итно запирање на насилството во Македонија. Од делегацијата на Европската унија во Скопје изразија загриженост и разочараност од политичките судири во изминатите два дена, во и околу Парламентот и порачааа сите страни итно да ги прекинат сите агресивни и провокативни акции. Како што стои во нивното соопштение, додека мирното изразување на различните мислења е основа на силна и демократска нација, употребата на насилство од сите инволвирани страни го урива тој систем и и штети на можноста за одговорно владеење. Соопштение со слична содржина стигна и од американската амбасада во Скопје. Оттаму велат дека со загриженост и разочарување се следат политички водените конфликти во изминатите два дена и повикуваат на што поскоро запирање на било какви агресивни и провокативни акции.