Министрите за надворешни работи на земјите од ЕУ го одобрија следниот чекор од патот на Босна и Херцеговина кон членство во ЕУ, откако во земјата ќе се спроведат серија реформи побарани од 28-члениот блок, пренесува „Radio Free Europe“.

Минатиот месец босанските политички лидери дозволија долготрајни разлики поради предложениот договор за стабилизација и асоцијација со Брисел, со што отворија можност за земјата официјално да поднесе кандидатура за членство по години поминати во ќор-сокак.

Босна и Херцеговина е единствената земја од Западен Балкан која се уште не поднела официјална апликација за статус на кандидат-членка во ЕУ.

28-те министри за надворешни работи од ЕУ се изјасниле дека договорот за стабилизација и асоцијација со Брисел веќе може да биде потпишан, но ја предупредија балканската земја дека ќе мора да ги исполни обврските и да ги исполни реформите на ЕУ за човековите права, демократијата како и политичките и економските слободи ако сака да се приклучи на блокот.

Во изјавата на министрите се вели дека за да биде разгледана кандидатурата на Босна и Херцеговина за членство, ќе биде потребен значителен напредок во исполнувањето на реформите.