Во интервју за Н1 специјалниот американски пратеник за Западен Балкан, Габриел Ескобар изјави дека никој не треба да страда поради регистерските таблици и дека двете страни треба да бидат насочени кон европско решение. 

„Мислам дека мора да го заборавиме наративот Косово е Србија и да преминеме на оној дека Косово и Србија се дел од Европа“, рече Ескобар. 

Тој навел дека дошол до порака дека во меѓународната заедница владее огромна загриженост поради потенцијални ескалации на насилството.

Во Белград, Ескобар изрази уверување и надеж дека Србите на северот на Косово нема да видат промени во нивните животи на 1 септември, кога владата во Приштина ќе објави почеток на спроведувањето мерки на реципроцитет.

Ескобар изјави дека неговата надеж е Србите на северот на Косово „суштински нема да станат гости во сопствената земја“, дека „тие ќе бидат признати како легитимни граѓани и на Србија и Косово“ и дека „ќе продолжат да живеат мирно“.

Српскиот претседател Александар Вучиќ изјави дека е само прашање на време кога ќе дојде до поголема криза на Косово. 

Тој не верува дека ќе има напредок со Приштина во однос на проблемот со регистарските таблички, но се надева на решение на проблемот со документите.