Ериксон стана популарен во Македонија, но пропаѓа на пазарот
Шведскиот телекомуникациски гигант Ериксон стана актуелен во Македонија откако се дозна дека тој стои зад системите за следење на комуникациите во УБК, но оваа некогаш успешна компанија на пазарот во САД бележи огромен пад и има се послаб профит.
Ериксон ги предупреди инвеститорите дека во последниот месец ќе се соочи со драматичен пад на прометот од неверојатни 90% со оглед на се помалите трошења кои ги прават мобилните оператори, а имплементацијата на новата инфраструктура за 5G мобилната мрежа се уште е години наназад пред имплементација.
Затоа Јан Фрикхамер, привремениот директор на Ериксон реши, да ги спушти цените на опремата за да привлече повеќе мали мобилни оператори кои немаат огромни буџети за инфраструктура како Т-Мобиле, Спринт, Веризон, АТ и Т, како и канадските Бел и Роџерс.
Ниту во Европа не им цветаат рози бидејќи состојбата е многу слична, но предноста им е во тоа што добија доверба од Европската комисија за поставување на 5G мрежата па доколку издржат за неколку години ќе имаат добар кам бек на пазарот.
Слично
Поврзани вести
