Ердоган ќе разговара со Путин за прекин на војната
Tурскиот претседател Реџеп Таип Ердоган ќе разговара со рускиот колега Владимир Путин за прекин на војната во Украина.
Портпаролот на Кабинетот на турскиот претседател, Ибрахим Калин, изјави дека турскиот претседател Реџеп Таип Ердоган вчера имал телефонски разговор со украинскиот претседател Владимир Зеленски и со британскиот премиер Борис Џонсон во врска со руско-украинската војна, јавува Агенција Анадолија (АА).
„Денес ќе продолжи со разговори со челничката на Европската Унија и премиерот на Канада. Утре ќе разговара и со рускиот лидер Владимир Путин“, рече Калин во обраќањето пред новинарите во Истанбул.
Тој посочи дека раководството на Киев мора да сфати дека, доколку продолжат во истиот дух, ќе се појави прашањето за украинската државност.
Слично
Поврзани вести
