„Ние ќе ја решиме кризата во Сирија на бојното поле, ако е можно, а не на преговарачката маса - ова ќе биде нашата прва задача по изборите“. Ова го изјави турскиот претседател Реџеп Тајип Ердоган за време на неговиот последен предизборен митинг во Истанбул - за утрешните (31-ви март) локални избори во Турција.

Турскиот шеф на државата изјави дека оние кои сакаат да ја затворат источната граница на Турција со терористички коридор никогаш нема да добијат шанса да го сторат тоа. 

„Ние ги научивме потребните лекции за оние кои се обидоа да го сторат тоа и ќе го сторат истото и во иднина“, кажал тој.

Сирија е погодена од граѓанска војна од почетокот на 2011 година, кога режимот на Башар Асад се обиде насилно да ги запре продемократските протести во својата земја. 

Следеа интервенции на "Исламската држава", која го искористи политичкиот хаос и сеуште невидена војна - стотици илјади луѓе загинаа, а повеќе од 10 милиони луѓе ги напуштија своите домови, според официјалните податоци на ОН.