Турскиот претседател Редџеп Таип Ердоган продолжува да ги обвинува Курдите во терористичките активности, без разлика дека терористичката закана од страна на „Исламска држава“ е неспоредливо повисока за што сведочат последните терористички акти, пишува „Financial Times“.

Откако бомбаш-самоубиец се разнесе во вторникот во центарот на Истанбул, во резултат на кој загинаа десет германски туристи и речиси 20 лица беа повредени, беше јасно дека терористичката закана е директно поврзана со војната во Сирија и „ИД“. Но турскиот претседател во говорот по терористичкиот акт претпочита да влијае минимално темата за „ИД“, но повеќе од половина час ја напаѓаше Работничката партија на Курдистан (ПКК), пишува весникот.

„Неговиот говор (на Ердоган) фиксира намерно внимание кон „курдските сепаратисти“, додека заканата од „ИД“ поврзана со последните големи терористички напади во Турција, не слабее“, се вели во статијата.

Турските власти ја поврзуваат терористичката закана на прво место со Курдите, а не со „ИД“, и насочуваат напори кон борба со нив. Сите претходни напади на „ИД“ беа поврзувани постојано од турскиот претседател и со курдското прашање.

Според турскиот воен експерт Нихат Али Ознак, „политичарите зборуваат за внатрешните проблеми кои им носат гласови, а прашањето за „ИД“ не им носи гласови“. Сеуште останува нејасно ќе се префрли ли најпосле вниманието на Ердоган од Курдите кон борбата со „ИД“. Како смета експертот, ќе помине време пред да се случи тоа.

„Светот го сфати курдското прашање како проблем за Турција, а борбата со „ИД“ - како меѓународна закана. Но за Турција, Курдите се проблем број еден и тој секогаш бил меѓународен“, цитира „FT“ неименуван извор од турските безбедносни служби.

Според министерот за внатрешни работи на Турција, Ефкан Ала за последната недела во земјата биле приведени 220 лица поврзани со „ИД“. Според зборовите на турските чиновници тоа сведочи за сериозни намери на властите да се борат со терористичката закана. Но, некои се убедени дека властите не одговараат на потребниот начин на радикалната закана. Пред терористичкиот акт во октомври минатата година во Анкара познати лица на семејството на терорист ја предупредувале полицијата за можна закана, но нивните тврдења биле игнорирани, пишува „FT“.

Силна експлозија која го потресе во вторникот плоштадот „Султан Ахмет“ во центарот на Истанбул до Египетскиот обелиск во моментот кога таму се наоѓала група туристи. Загинаа 10 германски туристи, 17 лица беа повредени, шест од нив остануваат во болница, но еден е во исклучително тешка состојба.

Во четвртокот наутро автомобил-бомба експлодира во близина на полициска станица во турската провинција Дијарбакир. Во експлозијата загинаа пет лица, бројот на ранетите достигна 39.