Турскиот претседател Реџеп Таип Ердоган упатил тешки обвиненија против земјите од Европската унија поради нивната политика кон мигрантите и бегалците.

Според него европските држави имаат селективен однос и водат дискриминаторска политика во однос на бегалците. Според него овие држави ќе останат во историјата со „својата срамна политика“.

Ердоган смета дека европските држави се во паника од барателите на азил само неколку стотици илјади луѓе кои се соочувале со нивните граници, додека самата Турција прифатила веќе над 2,5 милиони сириски бегалци.

Турскиот претседател изјавил дека европските држави ќе прифатат бегалци во зависност од „нивното образование, вера, талент, возраст и здравствена состојба“ и воопшто не почитувајќи ја хуманитарната страна на проблемот.

„Еден ден проблемите во Сирија и Ирак ќе бидат решени и овие луѓе ќе се вратат во своите домови. Тоа сепак, што ќе остане запечатено во нивната свест, е турската хуманост и срамот на Западот“, додал уште Ердоган, цитиран од американските медиуми .