Државните електрани влегоа во реконструкција на дел од несуштинските делови на фирмата. Прв што ќе се поправа е хотелот „Попова шапка“ во истоимениот зимски туристички центар. За таа работа е објавен оглас за ангажирање на изведувач за реконструкција и опремување на дел од хотелот по принципот "клуч на рака". 50 Поени носи цената на изведбата, по 20 референцата на фирмата и квалитетот на материјалите, а 10 рокот за изведба на реконструкцијата. Понудите треба да се достават до 29-ти октомври. Подновувањето на „фасадата“ на ЕЛЕМ се прави во време на распишан тендер за избор на консултантска куќа за текот на приватизацијата на најголемата македонска компанија.