Силна експлозија на гасовод денеска ги вознемири дел од жителите на Истанбул, јави турската телевизија Си-Ен-Ен-Турк. Инцидентот се случил за време на изведба на градежни работи за изградба на метро линија, a нема повредени лица. Експлозијата се случила во 9:30 часот во истанбулскиот кварт Ускудар, во азискиот дел на градот. Луѓето во областа на инцидентот во паника го напуштиле местото по силната експлозија. На местото на несреќата пристигнале голем број противпожарни возила. Екипи на истанбулската компанија за транспорт на гас моментално работат на спречување на истекувањето на гас.