Британецот Васили Евдокимов е директор на компанијата Балкан Петролеум Холдинг, заинтересирана за преземање на нафтениот гигант Макпетрол. Фирмата е основана на 28 мај 2016 година, покажуваат документите до кои дојде Фактор и кои ексклузивно Ви ги објавуваме. На интернет може да се види дека името на Евдокимов се споменува како поранешен директор на повеќе оф шор фирми, а тој е дел и од Панама Пејперс. Британски државјанин е, роден 1957 година. Како што веќе напишавме засега не можеме да знаеме точно кој стои зад  новата фирма. Ако е точно дека е оф-шор тогаш може да се заклучи дека потенцијалниот газда на „Макпетрол“ или не е стратешки партнер од нафтениот бизнис или пак дека се крие зад новоформирана фирма плашејќи се од негативен ефект врз имиџот во случај да пропадне понудата. Или пак зад него стојат тајкуни што не сакаат да бидат откриени. Во тој случај Евдокимов би бил само рент-а фејс. Сепак сериозно е тоа дека некој ќе депонира 50 милиони евра во нашата централна банка и ќе чека да ги откупи сите акции, макар и од тие што сакаат да продадат, преку јавна понуда, нели доколку КХВ ја одобри неговата намера и му одобри да објави јавна понуда. На следниот линк се за најавениот обид за преземање:

ПРЕЗЕМАЊЕ?! 50 милиони евра се „зафрканција“ за фирма како Макпетрол!