Нина Ангеловска, поранешната министерка за финансии се врати на функцијата претседател на  Асоцијацијата за е-трговија на Македонија. Самата објави дека овој ангажман и бил ставен во мирување кога била на државната позиција. СЕпак сега раководното место и е доверено нејзе. 

„По стапувањето на функцијата министер за финансии, сите тековни ангажмни кои ги имав беа ставени во мирување. Една од нив беше и водењето на Асоцијацијата за е-трговија на Македонија. Со задоволство и подеднаква пасија и посветеност кон предизвиците, растот и развојот на е-трговијата се враќам како Претседател, вели Ангеловска. 

Соопштува дека асоцијацијата е формирана во 2017 година и сега брои 100 членови од сите сектори поврзани со е-трговија (банки, компании за достава, маркетинг, ИТ и секако е-трговци) кои помагаат во идентификување на бариерите и заедно работат кон унапредување на е-трговијата. Најавува дека оваа година ќе ја организираат третата годишна конференција за е-трговија на 25 и 26 ти ноември, на тема Е-трговија & COVID-19: Предизвици и можности!