Економската доверба во еврозоната се зголемила изненадувачки во декември до највисоко ниво од април 2011 година, посочија податоците на ЕК.

За еден месец показателот пораснал до 106.8 поени во однос на 106.1 поени во ноември, посочија уште податоците.

Резултатот ги надмина просечните очекувања на аналитичарите за вредност од 106 поени.

Посебен извештај посочи намалување на невработеноста во еврозоната до 10.5% во ноември. Таа е најниска во Германија - и изнесува 4.5%, а највисока во Шпанија - 21.4%. Нивото на невработеност меѓу младите во еврозоната сепак се задржува исклучително високо кај 22.5%.

„Обновата на економијата на земјите од ЕУ продолжува, но во услови на многу слаба инфлација. Ниските цени на нафтата најверојатно ќе продолжат да вршат опаѓачки притисок врз инфлацијата“, коментира Алин Шуилинг, главен економист во ABN Amro Bank NV.

„Проблемот пред ЕЦБ е дека инфлациските очекувања се влошуваат, а пазарот почнува да го губи трпението за нови иницијативи“, додава стратегот пред Bloomberg. Еврото се тргува без значајна промена во однос на доларот на ниво од 1.0850.

Вчера единствената валута забележа суштинско зголемување во однос на зелените пари, додавајќи над цент кон својата вредност.

Индексот, ја надгледува довербата во индустрискиот сектор, се зголемил до минус 2 поени во ноември во однос на минус 3,2 поени месец порано.

Продажбата на мало во еврозоната се намалила за 0,3% во ноември, што беше трет последователен месец на пад, според посебниот извештај. Тука резултатот се покажа малку полош од просечните очекувања за пад од 0,2%.