Растот на бруто домашниот производ на Индија не ги оправда очекувањата во вториот квартал каде има пад до 4-годишното дно и раст на економските проблеми на земјата поради големиот слободен пад на рупиите, соопшти CNBC . Официјалните податоци објавени денеска, покажаа дека индискиот БДП се зголеми за 4,4 % во периодот април -јуни на годишна основа , останувајќи под прелиминарните предвидувања на експертите за раст од 4,7 % . Бавното темпо на проширување на индиската економија од првиот квартал на 2009 година  се случува поради слабиот резултат во рударството и производствениот сектор на земјата. Оваа недела француската банка BNP Paribas ја намали прогнозата за индискиот раст во текот на финансиската 2014 година до едвај 3,7 % од претходните  5,2 % .  Во август рупијата го регистрираше најсилниот месечен пад последниве 18 години. Според Тимур Бег , главен економист за истражувањата на светските пазари во Deutsche Bank , Индија се соочува со значајни предизвици . „Индија е заложник за надворешни пазарни ставови , па продолжи нестабилноста околу намалувањето на стимулациите , мислам дека нестабилноста на девизниот курс ќе се задржи не само во Индија туку и во големите економии на пазарите кои се карактеризираат со големи дефицити на тековната сметка " , смета тој .