Кристалина Георгиева заменик претседателот на Европската комисија вели дека се загрижени за Македонија после сите случувања во изминатиов период.

Таа потенцира дека Европа не се откажува од Македонија и дека внимателно следат она што се случува.

„Следиме многу внимателно она што се случува и знаеме дека најсигурниот начин да се надминат проблемите со кои се соочуваат е да станат дел од општото европско семејство“, вели Кристалина Георгиева.

Според она што го кажа таа ЕК не планира да вклучи нови земји-членки во наредните пет години, но тоа не значи дека не ги подготвува земјите кандидати за членство.

„Напротив. Иако буџетот на Европа сега е помал во споредба со претходните седум години, парите кои посветуваат за земјите-кандидати за членство се зголемени и обрнуваме посебно внимание на институциите, без кои тие нема да можат да се приклучат кон ЕУ“, изјавила Георгиева .

„Ние се грижиме за ситуацијата, бидејќи кога се пролее крв во нашиот регион на Балканот тоа е опасно. Апелираме за здрав разум. Видовме дека беа преземени сите мерки, вклучувајќи и оставки во Владата на Македонија. Комесарот Јоханес Хан, кој е одговорен за нашите соседи е во секојдневен контакт со владата и опозицијата. Ги повикуваме да се седне на масата на преговори. Самата Македонија треба да одлучи кој е најдобар пат за решавање на овие внатрешни проблеми“, изјавила Кристалина Георгиева.