Европската комисија предложи воспоставување на посебен фонд за помош на сиромашните, тежок 2,5 милјарди евра. Фондот треба да ја достигне оваа сума на средства од 2014-та до 2020 година и ќе се користи за помош во храна и облека за најсиромашните од Унијата, за бездомниците и децата. Во склоп на националните програми, фондот ќе покрие 85% од помошта, а државите членки 15%. Новиот фонд ќе биде дел од Фондот за кохезија. Дел од државите членки како Германија, Шведска и Велика Британија се противат на идејата за помош во храна бидејќи сметаат дека тоа треба да биде исклучиво национална надлежност. Со компромисот на Германија и Франција, постоечката програма за помош во храна е продолжена и во 2012 и 2013-та, но Берлин бара укинување на помошта до 2014-та.