Многумина во Германија продолжуваат да работат дури и по пензионирањето. Поточно, „едно од 15 лица над 66 години е сè уште вработено“, се вели во студијата објавена во среда од Германскиот институт за економски истражувања (DIW).

Кај мажите, тој удел е поголем, со речиси 10 проценти, додека кај жените е пет проценти.

Истражувањата покажаа дека доброто здравје и образованието се клучните фактори за работa, објавува германската агенција ДПА.

Имено, во возрасната група помеѓу 66 и 69 години, една петтина од оние кои ја опишуваат својата здравствена состојба како добра или многу добра сè уште работат.

Професијата е исто така фактор. Особено има многу работници со скратено работно време, 37,4 проценти, меѓу самовработените.

„Постарите лица веќе делумно го ублажуваат проблемот со недостатокот на квалификувана работна сила“, рече Петер Хан (Хан) од DIW. 

DIW предлага мерки за зачувување на здравјето, можност за дополнителна обука и усовршување во староста, како и реформи на даночниот и социјалниот систем.

За истражувачки цели, авторите на студијата анализираа податоци од микропописот од 2022 година, пренесува bizportal.rs. 

foto freepik.com