Италија најавува нови санкции против Русија.

Италијанскиот министер за надворешни работи Антонио Тајани денеска во Горниот дом на Парламентот изјави дека можно е воведување нови санкции против Русија, со цел да се изврши притисок врз претседателот Владимир Путин да почне мировни преговори и да се стави крај на војната во Украина.

„Мора да ги искористиме сите инструменти со кои располагаме за да го отежнеме финансирањето на неговата воена машинерија. Тоа вклучува и нови санкции,“ нагласи Тајани.

Тој додаде дека Италија ќе продолжи да ја поддржува Украина во соработка со европските партнери и НАТО.

Руската инвазија на Украина почна на 24 февруари во 2022 година.