Премиерот Еди Рама на Самитот за Западен Балкан во Берлин, не штедеше критики кон ЕУ и рече дека иако самата ЕУ зборува за гаснење на национализмите на Балканот, всушност тоа ги покажува нивните национализми што го попречуваат процесот на интеграција за Албанија и Земјите од Западен Балкан.

Ова го пренесе албанскиот медиум Топ Чанел.

„Како прво, би сакал да ви се заблагодарам многу искрено за лансирањето и поддршката за сето ова време на овој процес и за вашата силна и непоколеблива посветеност кон нашиот регион. Знам дека не ви се допаѓа пофалбата, но всушност јас сметам дека процесот што го започнавте навистина беше многу важен за одржување во живот на она што, патем, го гасне ЕУ, пламенот на надежта за иднината“, рече Рама.

Натаму, рече тој, многу е важно ЕУ да има повеќе авторски права во процесот, бидејќи е исто така важно процесот да се комбинира со зголемените напори на Комисијата, засновани на новиот економски и инвестициски план.

„Тажно е и секој знае дека во меѓувреме, процесот на европска интеграција на целиот регион во ЕУ, кој некогаш се гледаше и беше прикажан како вистински начин за потчинување на балканските национализми, сега се претвори во процес потиснат од национализмите на ЕУ.

Тука и таму, национализмите во ЕУ значително го комплицираат нашето европско патување и играат спротивна улога. Сепак, како што легендарниот Доналд Трамп велеше: „Ова е тоа што е“, така што треба да одиме напред со она што го имаме“, рече Рама.

фото: МИА