Јавното претпријатие „Македонски шуми“ склучило договори од еден милион евра со 22 фирми од целата земја за сеча и дотур на дрва. Секоја година од сметката на „Македонски шуми“ се одлеваат околу 10 до 13 милиони евра, кои завршуваат на контото на приватни фирми ангажирани за сеча и транспорт на дрва. Ваквата пракса менаџментот на јавното претпријатие постојано ја правда со обраложение дека нема доволно сечачи на дрва и камиони за транспорт, па затоа работата се препушта на приватни фирми. Сепак, дали тоа ќе биде пракса и оваа година, кога во „Македонски шуми“, се вработија 1.600 лица, останува да се види. Еве со кои фирми ЈП „Македонски шуми“ склучиле договор за сеча и транспорт на огревно дрво

• ·1 794 780 денари РИКИ-ПРОМ ДООЕЛ с.Костурино Куклиш
• ·2 961 800 денари КОСТАЌЕВИ ДООЕЛ с.Пиперево Василево
• ·1 935 318 денари СТРУЈА-ЖАРЕ ДООЕЛ Струмица
• ·2 171 200 денари ИВАНОВИ-ЛЕПКОВИ ДООЕЛ с.Мокриево Ново Село
• ·1 166 430 денари ИЛИНДЕН-2007 ДООЕЛ увоз-извоз с.Негорци Гевгелија
• ·7 915 204 денари АЦЕРИ-2006 ДООЕЛ увоз-извоз с.Смоларе Ново Село
• ·782 758 денари МИКЕА ДООЕЛ Зрновци
• ·1 960 641 денари СТЕ-ФИЛ ДООЕЛ увоз-извоз с.Лаки Виница
• ·701 425 денари  ЈО-ИВ ДООЕЛ експорт-импорт с.Костин Дол Македонска Каменица
• ·11 997 046 денари ЧАЕ БЛАГОЈ ДООЕЛ увоз-извоз Блатец
• ·5 004 911 денари ЛОШАНА ДООЕЛ с. Разловци – Делчево
• ·207 680 денари  ЛУКА ЈОЦ ДООЕЛ увоз-извоз Кратово
• ·5 478 357 денари МИКЕА ДООЕЛ Зрновци
• ·9 471 388 денари ЈУГЛАНС ДООЕЛ Кочани
• ·1 894 425 денари  ОРБЕЛА Кирил ДООЕЛ увоз-извоз Кочани
• ·1 595 655 денари  ДИАДОС ДООЕЛ увоз-извоз Македонска Каменица
• ·1 609 520 денари ТИВАРИ ДООЕЛ експорт-импорт с.Лакавица,Гостивар
• ·634 781 денари. АРСИМИ КОМ ДООЕЛ увоз-извоз Гостивар с. Чегране
• ·495 600 денари ЦАЛИ-КОМ ДООЕЛ увоз-извоз с.Лакавица Гостивар
• ·2 283 300 ден. ЛАКВАЛ ЛАЗАР ДООЕЛ с.Горна Бањица,Гостивар
• ·557 550 ден. ЉУШИ С.А.М. ДООЕЛ увоз-извоз Врапчиште
• ·1 421 133 ден. В И Б ТРЕЈД ДООЕЛ увоз-извоз Гостивар

Инаку, според официјалните податоците на Државниот завод за статистика, вкупното производство на шумски производи во државните шуми во првото тримесечје од годинава, во однос на истиот период од лани е зголемено за 38.3%. „Зголемување на шумското производство е забележано кај трупците од листопадни и иглолисни видови, рудничкото дрво од иглолисни видови и огревното дрво од листопадни видови. Намалување на шумското производство е забележано кај другото обло дрво од иглолисни, просторното дрво од иглолисни видови и огревното дрво од иглолисни видови, се објаснува во соопштението на Државниот завод за статистика. Во првите три месеци од годинава  произведени се 51 577 кубни метри грубо обработено дрво, при тоа најголем дел од оваа количина или 42 379 кубни метри отпаѓа на огревно дрво од листопадни дрва. Според официјалните пдоатоци, најмногу или 47,3% од сечата на дрвја отпаѓа на даб, потоа 44,7% на бука, 7,3“ на црн и бел бор, додека останатото е на други листопадни, иглолисни дрва како и смрча и ела. Инаку, изминативе недели во Македонија имаше полициска акција за нелегална сеча и продажба на огревно дрво.  Затворени беа 22 складишта за дрва и запленети поголеми количини огревно дрво, во акцијата што ја спроведоа МВР, Управата за јавни приходи, Државниот пазарен инспекторат, Државниот инспекторат за шумарство и ловство во повеќе градови во земјата. Од МВР соопштија дека контрола била извршена во 232 од планираните 241 објект каде што се врши продажба на огревно дрво, од кои најмногу биле во Скопје - 34, потоа во Kуманово - 26 и во Тетово - 21. Во девет објекти контролата не била спроведена бидејќи објектите биле затворени во моментот на одвивање на акцијата. Полицијата запленила 331,8 кубни метри нежигосано огревно дрво, а најмногу - 117 кубни метри во Kумановско. Одземени се и четири камиони и еден автомобил со кој се вршел превоз на дрвата. Според официјалните информации, инспекторите од УЈП кои беа на терен, затворија 59 објекти бидејчи биле утврдени прекршувања на Законот за готовинското плаќање. Фирмите добиле казни од по 3.250 евра. Државниот пазарен инспекторат, лоцирал 83 прекршоци од Законот за трговијата и Законот за метрологијата, а при тоа биле изречени казни во висина од 173.600 евра. Во акцијата биле затворени 22 складишта, каде е најдено складирано нелегално исечено огревно дрво. Од нив осум во Тетово, шест во Велес, пет во Струга, два во Охрид и еден во Струмица.